გაზეთმა ,,სამეგრელოს ქრონიკა'' გამართა დისკუსია _ მრგვალი მაგიდა, რომელშიც მონაწილეობას ღებულობდნენ აჭარა, სამეგრელო-ზემო სვანეთის ლტოლვილთა და განსახლების სამინისტროს ზუგდიდის სამმართველოს მთავარი სპეციალისტი რამინ ძიმისტარაშვილი, არასამთავრობო ორგანიზაცია დევნილ ქათალთა უფლებებისათვის დამფუძნებელი ნონა უბილავა, აფხაზეთიდან დევნილი ნოდარ მიქავა და გაზეთ ,,სამეგრელოს ქრონიკის" ჟურნალისტი ლორა ქობალია და რადიო `თავისუფლების~ კორესპონდენტი ზუგდიდში გერონტი ყალიჩავა. დისკუსიას ასევე ესწრებოდა გაზეთ `სამეგრელოს ქრონიკის~ ყოფილი ჟურნალისტი ხვიჩა ახალაია, რომელიც ზუგდიდის მუნიციპალიტეტის სოფელ ზედაეწერში კომპაქტურად ჩასახლებულ ცენტრებში მიმდინარე სარემონტო სამუშაოებს აკვირდებოდა. დისკუსია წარიმართა თემაზე: კომპაქტურად ჩასახლებული დევნილების საცხოვრებელი პირობების გასაუმჯობესებლად მიმდინარე მშენებლობები.
ჟურნალისტი: ჩვენ, რამოდენიმე კომპაქტურად ჩასახლებულ დევნილებს შევხვდით და გამოვიკვლიეთ რა ძირითადი პრობლემები ჰქონდათ მათ საცხოვრებელ კორპუსებში. ჩვენს მიერ დათვალიერებულ კომპაქტურ დასახლებეში ზოგან პრობლემა სარეაბილიტაციო სამუშაოების დაწყებასთან დაკავშირებით გამოვლინდა. ზოგან კი დაწყებული სარემონტო სამუშაოები შეჩერდა იმის გამო, რომ ის შენობა, რომელსაც რეაბილიტაცია უტარდებოდა კერძო საკუთრება აღმოჩნდა. ერთ-ერთი ასეთი შენობა იყო `უსინათლოთა საზოგადოების’’ კორპუსები. რა ხდებოდა ამ დასახლებაში? მოხდა ისე, რომ ეს შენობა იყო კერძო საკუთრება, სადაც სამშენებლო კომპანია `ბლოკ ჯორჯიამ~ სარემონტო სამუშაოები დაიწყო. მაგრამ შეჩერდა იმის გამო, რომ მეპატრონემ გააპროტესტა. დღეს კი ცნობილია, რომ იქ სარემონტო სამუშაოები მიმდინარეობს. იქნებ ბატონმა ნოდარ მიქავამ (დევნილი) გვითხრას რა პრობლემები იყო თავიდან და რა გაკეთდა პრობლემის მოსაგვარებლად?
_ სარემონტო სამუშაოები იმიტომ შეჩერდა რომ საჩივარი შეუტანიათ, კერძო საკუთრებაში ყოფილა. ჩვენ ვის არ მივმართეთ, პრეზიდენტთანაც დავწერეთ წერილი. მაგრამ ბოლოს მოხდა ისე, რომ ეს შენობა სახელმწიფო საკუთრებაში აღმოჩნდა. ერთი რამ მაკვირვებს სამი თვეა გაჩერებულია ეს სამუშაოები და ნუთუ ეს ქვეყანა მართლა ჩალითაა გადახურული და პასუხი არ უნდა მოვთხოვოთ ამის გამო იმ ადამიანს ვის გამოც შეჩერდა სამუშაოები და სამი თვის მანძილზე კარავში გვაცხოვრა.
ჟურნალისტი _ თქვენ მიაწოდეთ ბატონო რამინ სამშენებლო კომპანიებს სიები, სადაც უნდა ჩატარებულიყო სარემონტო სამუშაოები? როგორ მოხდა მათი შერჩევა?
რამინ ძიმისტარაშვილი _ დღეს ველაპარაკე მთავარ არქიტექტორს და მითხრა არანაირი პრობლემა არა აქვთ აღდგენითი სამუშაოები ნორმალურად მიმდინარეობს. დრო არ უნდა გაწელილიყო ეს რეესტრის საკითხია დროულად ვერ მოიძებნა მეპატრონე.
ნოდარ მიქავა _ ახლა უკვე დაწყებულია სარეაბილიტაციო სამუშაოები.
ჟურნალისტი _ თუ შეიძლება გვითხარით ვინ მიაწოდა დევნილების სია? რამდენადაც ვიცით დევნილთა სამმართველო უნდა აგროვებდეს მათ მონაცემებს, რის შემდეგ იგზავნება სამინისტროში და იქ ხდება გარკვევა მოცემული ობიექტი არის თუ არა სახელმწიფოს საკუთრება.
რამინ ძიმისტარაშვილი _ კერძოდ ამ საკითხებს კურირებს ჯიჭონაია, რომელსაც მიჰყავს სიები და აწვდის სამინისტროს სამშენებლოების ყოველკვირეულ მონაცემებს, როგორ მიმდინარეობს სამუშაო, არის თუ არა შეფერხებები. არ გვქონდა იმის მონაცემები, რომელი იყო კერძო და რომელი სახელმწიფო. ჩვენთან დევნილები განცხადებით შემოდიან თუ რომელი ობიექტი არის სახელმწიფო და რომელი კერძო. ჩვენ ამის შესახებ ვუგზავნიდით ამ მონაცემებს საჯარო რეესტრს ან გამგეობას. მაგრამ გამგეობისგან იყო პრეტენზია რატომ გვეკითხებით ეს ჩვენ არ გვევალებაო. მე როგორც მოქალაქე, ვფიქრობ რომ გამგეობას უნდა აინტერესებდეს ეს საკითხი. ზოგ განცხადებაზე გვიპასუხეს, ზოგზე კი არა. მაგრამ ამ გაგზავნა-გამოგზავნებს დრო სჭირდება და ამიტომაც იწელება.
ჟურნალისტი _ ამდენი დრო რატომ სჭირდება?
რამინ ძიმისტარაშვილი _ ბევრი განცხადებაა და ამიტომ იწელება.
ჟურნალისტი _ ნონა მუშაობდა უსინათლოთა დასახლებაში არსებულ პრობლემაზე და საინტერესოა მისი მოსაზრებაც.
ნონა უბილავა _ სიებს აძლევს განსახლების სამინისტრო, სამწუხაროდ სიები არაკომპეტენტურად არის მიცემული. არ იციან ვისი საკუთრებაა და ისე იძლევიან ამ სიებს ბოლოს კი აღმოჩნდება ვინმეს საკუთრებაა და შეიძლება ეს საქმე სასამართლოში წავიდეს. კანონის შესაბამისად არ შეიძლება, როცა სასამართლო განხილვაშია ობიექტი არ განხორციელდება სარემონტო სამუშაოები. ამ კონკრეტულ შემთხვევაში ევროკომისია აძლევს ფულს მუნიციპალრ განვითარების ფონდს. სამუშაოებს კი `ბლოკ ჯორჯია~ ატარებს. მაგრამ არავინ არ იცოდა ვისი იყო ეს ობიექტი, რადგან არ იყო რეესტრში არანაირი მონაცემები.
რამინ ძიმისტარაშვილი _ ჩვენ არა მარტო ჩასახლებულ არამედ კარკასულ ობიექტების სიებსაც ვაძლევთ ლტოლვილთა და განსახლების სამინისტროს. სიებს სურათებიც დაურთეთ.
ჟურნალისტი _ გამოდის, რომ სამმართველო ამ სიებს გადაუმოწმებლად აგზავნის?
რამინ ძიმისტარაშვილი _ არა ჩვენ ყველა ინფორმაციას ვამოწმებთ.
ნონა უბილავა _ რადგან სამინისტრომ ნახა, რომ არავისზე არ იყო ეს ობიექტი გაფორმებული მიიჩნია, რომ ეს სახელმწიფო საკუთრებაშია. მაგრამ შემდეგ გამოჩნდა შ.პ.ს. რომელიც ამ შენობის მეპატრონე იყო. შემდეგ აღმოჩნდა, რომ დოკუმენტი არ არსებობს და აცხადებდა, რომ ეს დოკუმენტები დაიწვა არქივში. ჩემი აზრით ამ საქმის უკან დგას არა უსინათლოები არამედ უფრო დიდი ადამიანები. დევნილები ცხოვრობენ ქირით, კარვებში, გირაოდ იტოვებენ ტელევიზორებს, სხვადსხვა ნივთებს იმიტომ რომ ვერ იხდიან ქირის ფულს. ამ საქმის უკან დგას ბიზნესმენი ან ჩინოვნიკი, რომელიც დაინტერესებულია ამ შენობით, რადგან ეს შენობა არის ძალიან კარგ ადგილას. აქვს ძალიან კარგი ეზო, ამიტომ დაინტერესება ბუნებრივია.
ჟურნალისტი _ რის საფუძველზე ამბობთ, რომ ვიღაცა არის ამით დაინტერესებული?
ნონა უბილავა _ ეჭვი რეალურია, რადგან რეაგირება არ არის დევნილების წერილზე, რომელიც მათ პრეზიდენტს მისწერეს. ყველა ინსტანციამ იცის ამის შესახებ. დევნილებმა საკუთარი ხარჯებით გამოიძიეს რეესტრიდან დოკუმენტები, მაგრამ არავისზე რეგისტრირებული არ იყო. ამის შემდეგ ის შენობა უცებ იქნა გატარებული საჯარო რეესტრში და ის დღეს არის სახელმწიფო საკუთრება. ჩვენ მივაღწიეთ იმას, რომ როცა მორჩება სარემონტო სამუშაოები ეს დევნილები სურვილისამებრ იცხოვრებენ ამ შენობაში.
ჟურნალისტი _ ისევ სიებს მივუბრუნდეთ. ბატონო რამინ თუ მოითხოვეთ სიები და გაარკვიეთ თუ არა ვისი იყო ეს ობიექტი.
რამინ ძიმისტარაშვილი _ ამ უსინათლოებზე ვერ გეტყვით ეს ჩემამდე იყო. მე ამ უწყებაში სულ რაღაც ორი თვეა ვმუშაობ და ამდენად ამ კონკრეტულ საკითხში არა ვარ კომპეტენტური.
ჟურნალისტი _ შემდეგ როგორ იყო, ეს რემონტი თქვენი რეკომენდაციით მოხდა?
რამინ ძიმისტარაშვილი _ რათქმა უნდა სამინისტროს ვუთანხმდებით და თუ გადაწყვეტენ კონკრეტული შენობის რეაბილიტაციას, მაშინ ხდება აღდგენითი სამუშაოების ჩატარება.
ჟურნალისტი _ ბატონო ნოდარ, თქვენი აზრით რის შემდეგ დაიწყეს იქ რემონტი?
ნოდარ მიქავა _ ჩვენ გამოვითხოვეთ დოკუმენტი საჯარო რეესტრიდან. სადაც აღნიშნულია, რომ ეს შენობა არის სახელმწიფო საკუთრება. ის, რომ ჩვენთან სარემონტო სამუშაოები გრძელდება არის ჩვენი აქტიურობის დამსახურება.
ჟურნალისტი _ ადრე რას გეუბნებოდნენ?
ნოდარ მიქავა _ გვეუბნებოდნენ სხვაგან გადადით თორემ გაგყრით აქედანო. ამის გამო მუდმივად შიშით ვიყავით.
ნონა უბილავა _ ამ ადამიანებმა იბრძოლეს. აქციების ჩატარებას აპირებდნენ. მათ უკან დასახევი გზა არ ჰქონდათ. საქმეში ზაზა გოროზიას ჩართვამ ძალიან დიდი როლი ითამაშა. დღეს ამ ადამიანებს აქვთ საცხოვრებელი ფართები.
რამინ ძიმისტარაშვილი _ ზაზა გოროზიამ უნდა იმუშაოს, ის არის გუბერნატორი.
ნონა უბილავა _ მართალია. მაგრამ ის პირადად შეპირდა დევნილებს, რომ პრობლემას მოუგვარებდა სამ დღეში. ასეც მოხდა, რისთვისაც მინდა დიდი მადლობა გადავუხადო მას.
ჟურნალისტი _ ვისი ბრალი იყო ეს გაუგებრობა, ვინ დაუშვა შეცდომა ნონა თქვენი აზრით?
ნონა უბილავა _ თავიდანვე შეცდომა დაუშვა განსახლების სამინისტრომ, მაგრამ ეს არამარტო მათი ბრალი არის არამედ ეს გამოიწვია იმან, რომ უწყებებს შორის არ ხდება კოორდინირება. ზუგდიდში არის ექვსი სახელმწიფო უწყება, მაგრამ ისინი არ მუშაობენ კოორდინირებულად, ამიტომაც ვხედავთ ბუმერანგულ შეცდომებს.
ჟურნალისტი _ ბატონო რამინ თქვენ ეთანხმებით იმ აზრს, რომ არ არის უწყებებს შორის კოორდინირებული მუშაობა?
რამინ ძიმისტარაშვილი _ ნაწილობრივ.
ნოდარ მიქავა _ გამგეობამ რატომ არ უნდა იცოდეს ამხელა სახლი დგას და ვისია ეს შენობა ნუთუ ქალაქის გამგებელმა ეს არ უნდა იცოდეს? თუ არ იცის რა გამგებელია?! სამი თვის განმავლობაში ვერ გაგვარკვიეს ამ საკითხში.
ჟურნალისტი _ დისკუსიის დაწყებამდე ასვე ვსაუბრობდი იმ პრობლემაზე, რომელიც დევნილებს აქვთ. ეს არის მათი ინფორმირებულობა ამა თუ იმ საკითხზე. მუშაობს თუ არა ვინმე ამ კუთხით?
ნონა უბილავა _ მათ უკვე იციან სად და ვის მიმართონ. ვგულისხმობ უსინათლოთაში ჩასახლებულებს. ვუხსნიდი ყველაფერს და ჩვენ ერთად მივაღწიეთ შედეგს, რომელიც ახლა გვაქვს. ამ ადამიანებმა ამ პერიოდში დაკარგეს ნდობა ყველას მიმართ. ფიქრობდნენ, რომ ყველა იბრძოდა მათ წინააღმდეგ და ეს ასეც იყო. მათ უპირისპირდებოდნენ.
რამინ ძიმისტარაშვილი _ თქვენ განცხადებით თუ მოგვმართეთ ამ პრობლემის შესახებ. ჩვენ ყველა განცხადებას ვეხმაურებით და ვაკვალიანებთ.
ნონა უბილავა _ თქვენთან ოფიციალური განცხადება იყო შეტანილი, რაზეც არანაირი პასუხი არ მიგვიღია. ბატონო რამინ თქვენ თავად არ იცოდით ვის საკუთრებაში იყო ეს ობიექტი და რა განცხადება უნდა მიეცათ მეტი. როცა არას ეუბნებით რაქნან ამ ადამიანებმა.
რამინ ძიმისტარშვილი _ კიდევ ერთხელ ვამბობ ჩვენ ყველა განცხადებას ვეხმაურებით. ყველა მშენებლობაზე მივდივართ. თუ რამე პრობლემა წარმოიქმნება მივდივართ და ვსწავლობთ.
ჟურნალისტი _ და პრობლემის გადაწყვეტა როგორ ხდება?
რამინ ძიმისტარაშვილი _ თუ დევნილს არ მოსწონს არსებული პროექტი და მისი გადაკეთება სურს ჩვენ ვუკავშირდებით სამშენებლო კომპანიას და ვთხოვთ დევნილების სურვილების გათვალისწინებას.
ნოდარ მიქავა _ ჩვენ გვსურს არსებული პროექტის შეცვლა. ის შენობა იყო კანტორა და საჭიროა დაემსგავსოს თუნდაც საერთო საცხოვრებელს. ამაზე ჩვენ განცხადება შევიტანეთ და ვნახოთ მოხდება თუ არა რეაგირება.
რამინ ძიმისტარაშვილი _ კი, ჩვენ განვიხილავთ ამ განცხადებას და ვეცდებით დაკმაყოფილებას.
ნონა უბილავა _ ბატონო რამინ, თქვენ ამბობთ, რომ იცოდით ეს პრობლემა და მათ მანამდე არ მიმართეთ სანამ განცხადებით არ მოგმართეს? თუ თქვენ იცოდით, რომ ეს ადამიანები სამი თვე გარეთ წვიმაში, მზეში ცხოვრობდნენ, რატომ არ მიაქციაეთ ყურადღება?
რამინ ძიმისტარაშვილი _ მე ორი თვეა სამმართველოში ვმუშაობ და არ ვიცი.
ჟურნალისტი _ ყველას მინდა გკითხოთ რა არის მთავარი პრობლემა დევნილებში?
ნონა უბილავა _ პირველი და მთავარი, დევნილები არ არიან თავიანთ უფლებებში გარკვეულები. Mეორე, დევნილებმა არ იციან რა არის მათი სამოქმედო გეგმა. მესამე, – უხარისხოდ შესრულებული და დაწყებული სარემონტო სამუშაოები. მეოთხე _ დევნილების არაჩართულობა რეაბილიტაციის პროცესში.
რამინ ძიმისტარაშვილი _ ადამიანურად ვწუხვარ, როდესაც გაჭირვებული ადამიანი მოდის და მეუბნება მიჭირს, დამეხმარე სახურავი არ მაქვს 5 ან 6 შიფერი უნდა. მაგრამ ჩვენ დახმარება არ შეგვიძლია რადგან ჩვენ არ გვაქვს ფინანსური განკარგულება თუნდაც იმისთვის რომ მათ მცირეოდენი დახმარება გავუწიოთ.
ჟურნალისტი _ რა პრობლემები არის კომპაქტურ ჩასახლებებთან დაკავშირებით?
რამინ ძიმისტარაშვლი _ ძირითადად არის ელექტროენერგიასთან დაკავშირებული პრობლემები. ასევე ფართებთან დაკავშირებით. პროექტის გადაკეთებაზე.
ჟურნალისტი _ მადლობა, დაკიდევ ერთ კომპაქტურ ჩასახლებაზე ვისაუბროთ. ჟურნალისტი ხვიჩა ახალაია იკვლევს სოფელ ზედაეწერში ჩასახლებულ დევნილების პრობლემებს. სარეაბილიტაციო სამუშაოები იქ 30 აგვისტოს უნდა დასრულებულიყო, მაგრამ სამწუხაროდ ჯერჯერობით არ არის ბოლომდე მიყვანილი.
ხვიჩა ახალაია _ იქ დევნილებს აწუხებთ მუდმივი ქაოსი. მშენებლობა თვენახევარი საერთოდ გაჩერებული ოყო. აქ ადამიანის უფლებებზეა საუბარი. ის უფროსი ამბობს, რომ რა ვქნა ფული არ მაქვსო. ვერანაირ პასუხს ვერ სცემენ დევნილებს. ეს ხალხი იტანჯება კიბეზე ვერ ჩამოდიან. ბატონო რამინ თქვენს მიერ რატომ არ ხდება კონტროლი?
რამინ ძიმისტარშვილი _ რამდენადაც ვიცი იქ ფულის პრობლემაა, მუშებისთვის არ არის ხლფასი მიცემული. მერე დავუკავშირდით სამინისტროს და მოვახდინეთ ფაქტის შესწავლა. ახლა მოგვარებულია.
ნონა უბილავა _ იცით რა, აქ მარტო შ.პ.ს `ბლოკ ჯორჯია~ კი არ არის დამნაშავე, არამედ ის დევნილები, რომლებიც ითხოვენ იქ დასაქმებას. ისინი არ არიან პროფესიონალები და მათ უნდა ერჩივნოთ, რომ დღეს ეს გაკეთდეს პროფესიონალების მიერ, რათა ხვალ არ ჩამოინგრეს და ისევ მათ არ შეექმნათ პრობლემა.
რამინ ძიმისტარაშვილი _ ჩვენი როლი ამაში ის არის რომ ჩვენ წარვუდგენთ ამ გარემონტებულ ფართს დევნილებს. და თუ მათ სურთ ეს საცხოვრებელი ფართი იმ შემთხვევაში აწერენ ხელს და ვუკანონებთ.
ნონა უბილავა _ იცით ცუდი რა არის? ხელისუფლებას უნდა ამ ადამიანების უბრალოდ მოშორება და მეტი არაფერი.
ჟურნალისტი _ დიდი მადლობა საინტერესო საუბრისთვის.
